LAMKA, Jan. 25 : Zingchiang, January 26, Indian Republic Day a 63 vei na, Lamka public ground ah thupi tak in zat hi ding hi. Hiai ding toh kisai in department tuam tuam in amau nna ding sem in buai thei mahmah ua, ban ah, tuni in department bangzah hiam te, Public ground ah social work nei in a ground chei na nei uhi.

Zingchaing zinglam dak 9:00 in Republic day lopna programme kipan ding a, Ms. Jacintha Lazarus, IAS DC/Churachandpur in Chief Quest hihna toh uap in India flag kaihpalh na nei in Rastriya Salute la ding hi. Programme hun sung in STC/BSF in Bhangra Dance lahna nei ding ua, ban ah, HM English High School leh JNV ten Bamboo Dance leh Choreography lahna nei ding uhi.

Tutung Republic Day zatna hun ah, school tuam tuam, NCC, STC/BSF, Police leh IRB te tel in parade contingent 22 in march past nei ding uhi.

Read : 11 times