LAMKA, Jan. 25 : Tuni zinglam dak 10:00 in St. Paul's Institute a class X sim lel ten, Road Safety Campaign nei uhi. Hiai campaign hun ah, St. Paul Institute a class X sin lai, student ten, a school ua pan District Transport Office tan lampi zui in, zu khamsa a gari hek a hoih louh dan, traffic rule zuih ding ahih dan chih leh a poimoh tuam tuam te lai a gelh in tawi uhi.

Tuni a lam zuihna ah, student khenkhat in, traffic rule zuih a poimoh dan tuam tuam te ban ah, gari heek kawm a mobile phone a pau a hoih louh dan leh thu tuam tuam te poster a kibawl te tak na leng nei ngal uhi.

Hiai campaign toh kisai a ST Paul Institute staff lam apan thu kiza dan in, hiai campaign ahihleh, Central Board of Secondary Education in Class X te a ding a project work dan a apiak uh hi a, a project work uh sepsuah na ding kawm a hiai bang a campaign a neih uh hidan in gen uhi.

Read : 27 times