LAMKA, Jan. 25 : A hongtung pah ding, Manipur Legislative Assembly, MLA Election, 2012 ding toh kisai, mipi ten zalen taka vote a khiak theih na ding uh deih na leh, vote te a manphat dan te, mipin a theihsem uh deih na leh National Voters Day zatna in, tuni zinglam dak 10:30 in Rayburn NCC pawl in, a College ua pan Peace Ground, Tuibuang tan lampi zui in, vote kichi a man phat dan tangkou pih uhi.

Hiai hun a a gen dan un, i gam uh democracy ahih dungzui a, mipi kuapeuh in, i deih pen uh i vote ding uh, i vote in, i gam bawl hoih theih ahihna ah, i vote manpha tak te uh sum a mawk zuak louh ding chih tanpha in tangkou pih uhi.

Peace Ground, Tuibuang mun ah Ms. Jacintha Lazarus, IAS, Deputy Commission, Distrtict Election Officer, Churachandpur in, lampi zui NCC te kiang ah, a thilhih uh hoih asak thu gen in leh, vote manphat dan toh kisai a tamsem a tangkou pih zel ding ahi chi in hasotna thu genna nei hi.

Read : 18 times