LAMKA, Jan. 27 : Churachandpur police ten zan, January 26, 2012 zinglam dak 10:00 vel in, Eden Hotel, Teddim Road ah, Mohammed Findos, 20 s/o Mohammed Abdul Rahim of Khetrigao Mayai Leikai, Imphal East man uhi.

Police lam apan thu kiza dan in, Findos in ahihleh, Eden Hotel a om te tui neek ding, tinpi a ki koih lak a, poison a khiak ziak a mat a om hidan in gen uhi. Police in thudotna aneih na hun uah, Findos in, hotel a om te poison tui dawn sak a, a kham ua a puk siat kal ua, a sum teng uh lak a taimang ding a chih na ziak a poison a khiak chi in kipuang hi.

Findos ahihleh, January 25 nitaklam in Eden Hotel Room no. 114 ah tung a, zan zingkal a hiai bang a tui lak a poison khia hidan in Eden Hotel ngaktu ten gen uhi.

Findos ahihleh tuni in CJM mai ah dinsak in om a, huai ah court in jail tang ding chi in thutan khum hi.

Read : 20 times