LAMKA, Jan. 27 : 10th Manipur Legislative Assembly, MLA election ding toh kisai zingchaing, January 28, 2012 zinglam dak 7:00 in vote khiak kipan ding hi. Churachandpur district sung ah polling station tuam tuam 279 kizang ding a, polling personel leh security duty dingte tuni in amau polling station ding chiat ah kuankhe vek ta uhi.

Polling station 279 lak ah 40 te hyper sensitive a puan in om a, adang teng sensitive chi in puan in om hi. Huai banah, Polling Station 279 ah Polling Personnel 1395 leh Central Para Military Force company 40 zat hiding hi.

Tutung kitelna ding ah, 55 Tipaimukh Assembly Constituency sung ah voter mi 17487 om a, Pasal 8874 leh Numei 8613 om hi. 56-Thanlon AC ah voter 18357 lak ah Pasal 9206 om in Numei 9151 om hi. 57-Henglep ah Voter 26950 om a, Pasal 13244 leh Numei 13706 om hi. 58-Churachandpur AC sung ah voter 46019 om a, Pasal 21790 om in numei 24229 om hi. 59-Saikot AC ah voter 44697 om a, Pasal 21627 om in Numei 23070 om hi. 60-Singngat AC sung ah voter mi 23388 om a, huai teng lak ah Pasal 11502 om in voter numei 11886 om uhi.

Zingchiang in vote khiak hiding a, vote sim ahihelh March 6, 2012 a om in, Election toh kisai vai him him te, March 9 in zoh siang hiding hi. Vote khiak zoh hun a, vote khiak na ding a kizang van tuam tuam te a receipt na ding DC office campus sung ah bawlsa in om hi.

Vote khiak hun sung ding zinglam dak 7 apan nitaklam dak 3:00 tan hiding hi.

Read : 21 times