LAMKA, Feb. 01 : Apaisa January 28, 2012 a Manipur a MLA election neih na toh kisai, District 5, Chandel, Ukhrul, Senapati, Tamenglong leh Churachandpur te ah, February 4, 2012 in repoll om ding hi. Hiai ding toh kisai a, PC Lawmkunga, Chief Electoral Officer, Manipur in thusuah a bawl kimu dan in, District 5 a a kigawm vek in polling station 34 te ah repoll neih hi ding a, Churachandpur district ah, polling station 5 ah repoll neih hi ding hi.

Churachandpur district sung a Repoll neih na ding mun te, 55/1 Chingmun, 55/29 Senvon B, 56/3 Savaipaih, 56/8 Phaipheng leh 57/36 Phuoljang te ah repoll neih hi ding a, repoll neih ni ding Feb. 4 bikhiah ahih toh kiton in a duty ding te polling officer, ban ah, polling personnel leh sector magistrate ding ten zingchiang in Lamka nusia in, repoll neih na ding mun zuan ding uhi.

Repoll ding toh kisai a DC office lam apan thu kiza dan in, a masa in sepaih company khat, polling station bangzah hiam a ding in khen in om a, himahleh tutung a repoll hun a bel, polling station khat a sepaih company 1 zel koih hi ding chi in gen hi.

Read : 25 times