LAMKA, Feb. 06 : Apaisa Feb. 05 (Pathianni) zinglam dak 8:30 vel in, Aibulon khua apan Lamka lam zuana tai DI Truck khat accident in a sung a tuang mi 4 in liamna tuak uhi. Hiai toh kisai a Thanlon Police te apan thu kiza dan in, Khajang leh Sumtuk kikal a, Sumtuk khua phak ma deuh a lamtou ah gari taikai zou lou a, a back na lam a, lam khang a a leng khiat khak ding lauh na ziak a driver in lamsak a khoubang phu hidan in gen uhi.

Hiai accident thu theih ahih phet in, Thanlon a Police om ten a mun delh ngal in, liamna tuak te, Thanlon PHC manoh pih mah le uh, doctor ding a om louh ziak in, Police leh Assam Rifle pawl in, dressing bawl in, Lamka a ding in po suk uhi. Liamna tuak mi 4 te lak ah mi 2 te, Damdawiinn ah dressing bawlthak in, pawt khe ngal ua, himahleh midang 2 te, Thangkhanmuan 30 s/o Jamkholun of Vengnuam, New Lamka leh Maneihching (16) d/o Khamsuanthang of Aibulon te bel admit in om uhi.

Police ten a gen zel dan un, Thanlon ah PHC khat hon in om a, himahleh huai mun ah Doctor kua mah a om louh na tung uah, Police te kia hilou a Assam Rifle te leng heh mah mah uh ahihdan uh leng gen ngal uhi.

Read : 19 times