LAMKA, Feb. 06 : Tuni zinglam dak 11:30 in Ms. Jacintha Lazarus, IAS, District Election OFficer, DEO/DC, Churachandpur in khopi sung a om News tuam tuam te samkhawm in, tutung election toh kisai, dan thak ahihna ah, mipi theihsiam louh thu tuamtuam te genna nei hi.

Hiai hun a DEO in a thugenna ah, kum dang a electoin hun a kizang ngei lou, vote khiak hun a liim ki laak chih toh kisai, tuni a pan a lim te check bawl pan uh ahihdan gen a, hiai pen, mipi lam in, hih tak tak kei un teh chih tanpha a a gen ziak ua, mipi theih ding a a genkhiak hidan in gen hi. Huai ban ah, photo counting ahihleh zou ta uh ahihdan gen a, himahleh limlak te ettuah pen tuni a kipan ahi chi in gen hi.

Hiai limlak ettuah pen, official te kia in a hih ding uh ahihna ah, midang kuamah tel thei lou ding ahihdan gen hi. DEO/DC in a gen zel na ah, 55-Tipaimukh Assembly Constituency apan complaint 2 mu a, 56-Thanlon apan 7, 57/Henglep apan 5, 58/Churachandpur a pan 8, 59/Saikot apan 13 leh 60/Singngat apan complain 4 mu a, huai teng lak ah 5 te, action lak hi a, repoll neih hita ahih dan gen in, adang te ahihleh a tangpi a lim laak toh kisai ahihna ah, tuletu a bel action lak theih nai lou ding hidan in gen hi.

Ms. Jacintha Lazarus, IAS, DEO/DC in a gen zel dan in, tutung a Repoll neih na hun ah, Thanlon sung a repoll neih na mun te ah UTLA cadre 5 matkhiak a om ahihdan gen hi. Huai ban ah, Lim laak te etchet na pan ta ahihna uah, hiai a zoh ma teng uh vote sim hi thei lou ding chi in gen a, checking a neih hun ua, a dik lou hiam ahihkei leh, mi khat in midang vote ding khiak sak chih a om a, matkhiak ahih leh a tung uah, Representative of Peoples' Act, 1951 tung tawn a action laak hi ding a, government nasem ahih leh, action khauh sem ding hidan in gen hi. Hiai bang a mimal tung ah bel, action la thei ding a, himahleh, a dang, repoll hiam ahihkei leh a bangchi bang hiam a, Election Commission of India in thupukna a lak uh bang bang ua pai ding ahihdan gen hi.

Huai lou in, Chingmun polling station toh kisai ahihleh, EVM kichi, vote hiai zah khiak theih ding chi a set theih himawk lou ahihdan gen a, tuma a thuthang pen leng zuau ahihdan gen in, tutung vote khiak hun a lim lak na ding a kizang, phone pen, hiai ding mawng mawng a a software, kibawl ahihdan leng gen hi.

Read : 19 times