LAMKA, Feb. 07 : Manipur ah election toh kisai vote khiak ding teng zoh hita a, himahleh election process bel bei nai lou hi. Churachandpur district ah election hun a observer ding a hongpai, General Observer Pankaj Kumar, IAS, Addl Commissioner & Member Secretary, Expenditure Observer Hari Ramulu, IAS, State Editor, West Bengal District Gazetteer, Kolkata leh Security Observer Mahendra Pratap, IPS, IGP ES & HGS Odisha te hi ua, ban ah, Income Tax apan official bangzah hiam te leng, election toh kisai, vote sim chih louh, a nnapi deuh teng zoh ahih toh kiton in, zan, February 6, 2012 in Lamka nusia in kiik nawn ta uhi.

Election neih na hun a vote khiak na ding a kizang, Electronic Voting Machine, EVM leh camera te DC office a strong room a koih ahih ziak in tulai in DC office ah security te khauh mahmah uhi. Office campus sung ah CRPF te ban ah, IRB te sun le zan in duty uhi. Security khauh mah mah ahihna ah, DC office sung lut na ding in District Election Officer, DEO in a piak, identity card nei lou te lut theih louh a, sepaih ten, khut a check a bawl ban uah, DC office Building gate lut na ding mun ah, detector tanpha leng koih uhi. Office campus sung kia a security khauh hilou in, DC office kiim le kiang teng ah police te leng duty ua, hiai pen, election process zohma tan pai tou ding hidan in gen uhi.

Read : 20 times