LAMKA, Feb. 14 : National Rural Health Mission (NRHM) Churachandpur saina in tuni zinglam dak 10:30 in District Hospital Churachandpur campus ah Nov 1, 2010 akipan Feb 5,2012 kikal sung, District Hospital a nau a 1na leh 2na nei a panpihna sum la nai lou te ading in JSY backlog payment camp nei uhi.

Hiai JSY backlog payment camp hun ah Imphal apan Dr. K. Rajon Singh, Joint Director-cum-State Nodal Officer, ASHA and JSY, Director of Family Welfare Manipur , Imo Singh, Community Mobilisation Regional Resource Centre Imphal, Dr HL Liensang CMO/CCpur, Dr. P. Nengzadou Medical Superintendent District Hospital Churachandpur, D. Khuala Vaiphei, District Programme Manager, District Health Society  Churachandpur, Md Bariyajuddin Shah District Finance Manager District Health Society, CCpur te’n JSY sum piakkhiakna nei uhi.

Hiai hun a HL Liensang CMO/ Churachandpur  in a thugenna ah India Govt in nauneih tam ding a deihna ziak a sum hawm hilou a, naungek leh nauneitu ki-etkolna dia kipia ahihdan gen a, District hospital a nau neite kia piak hiding a, mi khat in Rs 700/- zel sang ding chi in gen hi. Dr. P Nengzadou Medical superintendent in ahihleh, District hospital a naunei te ki-etkol na dia JSY sum piak hizaw ahihdan gen a, huai banah, naunei ding peumah nauneih ma ngei a 3 vei bek hospital a medical check up bawl ding in ngetna leh theihsakna bawl hi.

JSY back-log teng piaksiang ahih chiang in District hospital a naunei peuhmah in nau a neih khit phet chiang in JSY panpihna sum mungal ding hi. Churachandpur District Hospital a Nov. 1, 2011 apan Feb. 5, 2012 kikal a naunei panpihna sum lalou 1144 pha a, tuni a a tang kha lou teng a ding, Feb. 16, 2012 in hawm sunzom nawn ding uhi.

Read : 107 times