IMPHAL, Jan. 04 : Manipur a news lam sai ten, helpawl te apan vauna a tuah sek ziak un, Major Media house, Manipur te ah security force leh police te koih ding chi a a nget uh dungzui in, tuni apan koih in om ta hi.

Thusuak in a taklat dan in, Kangleipak Communist Party, KCP, MC(Lanchen Chanu Group)pawl in, apaisa January 2 in Naharolgi Thoudang daily newspaper te office kong ah Chinese made hand granade leh last warning piakna leh a nawn a bomb puah sak hita ding chi a vauna lai amuh ziak ua, AMWJU in emergency meeting sam a editor leh senior journalist te zan in kimukhawm ua, government kiang a, security pe ding in leh, media house te a security koih ding chi a ngetna a bawlsa pen uh nget thak na bawl ding chi a thupuk na a lak uh dungzui in, government kiang ah, security lam toh kisai ngen thak uhi.

Hiai bang a AMWJU pawl in, government kiang a a ngetna uh toh kisai, state government lam in leng lemsak pih in tuni a pan in Major Media house te ah, security koih in om ta hi.

Read : 54 times